مرق دجاج لذييييييييييييذ
السلام عليكم
هالطريقه خذيتها من عضوه بمنتدى ثاني اسمها shestyle الله يعطيها العافيه والطعم لذييييييييييذ بحط طريقتها واقول شنو اللي استخدمته انا
هذي الكمية حق دجاج واحدة كاملة
المقادير :
دجاجه مقطعه الى فخوذ وصدور واجنحة
بصل مفروم ( 2 كبار )
ثوم مفروم مقطع الى قطع صغيرة جدا 5 فصوص كبار
شدة بقدونس مفرومة
بطاط مقطع دوائر بسمك 1 سم
طماط ( مكعبات )
معجون طماط
زيت
جزر + فلفل اخضر حار حسب الرغبه>>>>ماحطيتهم
بهارات ( نصف ملعقة طعام هيل ناعم + نصف ملعقة طعام كركم + 1 ملعقة طعام فلفل اسود+3 ملعقة طعام كاري +نصف ملعقة طعام كمون+ملعقة طعام كزبرة ناشفة +ملعقة طعام دارسين +2 ملعقة طعام بهارات مخلوطة)>>>>حطيت ملقعة شاي فلفل اسود ماكثرت وماحطيت كزبره ولادارسين ولاكركم
ملح>>>>>حطيت ملعقتين وسط
الطريقة:
1- يوضع الدجاج بعد غسله في جدر على النار لمدة 5 دقائق .
2- يوضع البصل على الدجاج ويقلب وتضاف البهارات (زيادة الكاري والكزبرة والبهارات الكويتية ).
3-يقلب مع إضافة من الزيت (استكانة )ويقلب مع مراعاة إضافة الماء ان احتاج الأمر حتى لايحترق .
4-إضافة البقدونس مع التقليب إضافة الماء إن احتاج.
5-إضافة الثوم وانتظر لمدة 3 دقائق وضيف الطماط ويقلب حتى يصبح الدجاج لونه بني فاتح. تقريبا 20- دقيقة
6-أخيرا تضاف باقي الخضار ومعجون الطماط والماء ويترك على النار إلى أن ينضج الدجاج والخضار
انا هالمره كثرت الماي بالغلط انتوا قللوا الماي شوي عشان يطلع احلىىىىىىى
-لاتنسى الملح . وتترك على النار تقريبا ساعةالى ساعة ونصأو على حسب اللي عندكم بس لازم كل شوي تشيك إذا كانت تحتاج بهارات أكثر .
حتى تصير النكهه حلوة يفضل بعد اضافة الماء وضع :
1- فصوص ثوم من غير ما تدقها.
2-راس فلفل اخضر يغسل ويقطع الى قطعتين .
