****السبت****
اولا عندك حمام السونا... وهذا مهم للجسم بالذات وقت الخلطات... ليش..؟؟؟؟
لان حمام السونا بخار ... والبخار يعرق الجسم ويخليه ينزل السواد من الجسم وينشط الجسم...ثانيا استخدمي خلطة صابونة الغار وخليها على الجسم مده ماتقل عن ساعه ثم ادخلي حمام السونا ... وابدي افركي بالليفه اللي عند بودي شوب اللي على شكل قفاز يدين انا بصراحه افضلها ..لاني اكتشفت انها تنضف الجسم اكثر من الليفه المغربيه ...المهم افركي جسمك بالليفه مع الليمون والملح وقبل لاتفركين جسمك ... خليك تحت بخارحمام السونا قبل الفرك بعشر دقايق تقريبا لين يتعرق الجسم كامل..وبعدها افركي جسمك بالكامل وانتي تحت البخار.. وبعدها اتروشي عادي تحت الدش...اذا جيتي بتنامين استخدمي كريم جلسوليد علبه وسط..وحطي عليه 4حبات ليمون.. و5 ملاعق نشا... اخلطيهم مع بعض وحطيهم باي علبه.. واستخدميها لجسمك كامل...
****الاحد****
خلطة الاحد4 ملاعق طحينية الهرده4 ملاعق سنفرة جسم بالمشمش3 ملاعق حليب بودره...1 ليمونه معصوره..اخلطيهم مع بعض وخليه على الجسم لمدة نص ساعه ثم ابدي افركي جسمك كله بالليفه بدون ماء او اي شي...لين تنزل منك الخلطه...ثم اغسلي جسمك بالماء بس ... ويوم الاحد مايحتاج حمام بخار ..واذا جيتي بتنامين ادهني جسمك كله.. بالجليسوليد الاحمر.. بس...
****الاثنين****
خلطة الاثنين....3 ملاعق زبادي...2 ملاعق زيت الزيتون...3 ملاعق زيت اللوز مر...اخلطيهم مع بعض وحطيها على الجسم لمدة نص ساعه ثم افركي جسمك بالكامل لين تنزل الخلطه كلها منك... ثم اذا
جيتي بتنامين استخدمي الجليسوليد مع النشا والليمون اللي ذكرته... بجدول السبت...
****الثلاثاء***
كرري جدول السبت ... اللي هي الخلطه ... وحمام السونا.....واذا جيتي بتنامين بعدها استخدمي كريم الجليسوليد الاحمر بس لحاله...
****الاربعاء****
خلطة الاربعاء.......مقدار ملعقه كبيره كلن من....نشاء فازلين زيت الزيتون كريم جلسرين ماء ورد 5 حبات ليمون تعصر مع الخلطه...اخلطيهم مع بعض وحطيهم على الجسم لمدة ساعه.. ثم افركي جسمك بالليفه... ليييييييين ينضف الجسم ثم اغسلي جسمك بالماء...
****الخميس والجمعه****
خليها بين الكريمات مثل اللي قلت لكم عنه ...مره جليسوليد لحاله.. ومره جليسوليد اللي معه نشاء وليمون...
وشوووووووووووووفي النظافه كيف والبشره خياااااااال ...بس يبي اللي يستمر عليها ....بعد كذا ابدي البرنامج من جديد من السبت الى الجمعه لين تاصلين للنتيجه اللي تبين... والتجربه هذي انا مجربتها مو احد ثاني ...ووقت زواجي مارحت للمشغل ...لانهم ياخذون علي فلوس على عماها... وفايدة خلطتهم محدوده يعني كلها ماتعدا شهر ثم رجعت زي اول... يعني مااستفدت شي... لكن هذي تقدرين تخففينها بعد فتره من الاستخدام وماراح يتغير بك شي...يعني اول شهر يوميا.... ثم ثاني شهر يوم ورا يوم...ثم ثالث شهر كل يومين... ثم رابع شهر تستخدمينها مرتين او مره بالاسبوع... عشان تحفظين المواد اللي ثبتت على بشرتك...واهم شي الجليسوليد.... نصيحه لاتتركينه لانه مهم يرطب البشره ويفتح لونها ويزينها.....وبالتوفييييييق للجمييييييييييييع....
